ხშირად დასმული შეკითხვები

გარემოს ეროვნულმა სააგენტომ მოითხოვა დამატებითი ინფორმაცია სომიწოს მეწყერთან დაკავშირებით. კომპანიამ განმარტა, რომ მეწყერი მდებარეობს მდ. ჯეჯორას მარცხენა ფერდობზე, ხოლო „სორგითი 2" ჰესის ყველა ნაგებობა - მარჯვენა ნაპირზე, შესაბამისად მშენებლობას მეწყერთან შეხება არ აქვს. სააგენტომ გასცა დადებითი გარემოსდაცვითი გადაწყვეტილება. მშენებლობის პროცესში დამონტაჟდება GNSS/GPS, ექსტენზომეტრისა და ტილტმეტრის მონიტორინგის სისტემები, საინჟინრო-გეოლოგიური ზედამხედველობით.

24.94 ჰა წარმოადგენს ორივე ჰესის ტერიტორიების ჯამს: „სორგითი 1" - ~11.70 ჰა (სოფ. ირი-ქვედრულა) და „სორგითი 2" - ~13.24 ჰა (სოფ. ონჭევი-პიპილეთი). „სორგითი 2"-ის ძირითადი ნაგებობები, მათ შორის სადაწნევო მილსადენი და ჰესის შენობა, არ მდებარეობს მეწყერის უშუალო არეალში.

სულ აღრიცხულია 6,402 ძირი ხე, აქედან 16 ძირია კაკალი (სააგენტოში წარდგენილი ტაქსაციის მასალების მიხედვით). მოჭრილი ხეების დროებითი შენახვა მოხდება სამშენებლო დერეფანში, შემდეგ გადაეცემა სსიპ „ეროვნულ სატყეო სააგენტოს", ხოლო კომპანია მოახდენს მათ გამოსყიდვას და უსასყიდლოდ გადასცემს ხეობის მოსახლეობას.

საპროექტო დერეფნის shape ფაილები წარდგენილია გარემოს ეროვნულ სააგენტოში გზშ ანგარიშთან ერთად და ხელმისაწვდომია საიტზე ei.gov.ge. სამშენებლო დერეფანში კერძო მესაკუთრე არ ფიქსირდება.

მდინარის კალაპოტში დასატოვებელი მინიმალური წილია: „სორგითი 1"-ისთვის - ბუნებრივი ხარჯის არანაკლებ 25%, „სორგითი 2"-ისთვის - არანაკლებ 28%. ეს არის მინიმალური ზღვარი, არა ფიქსირებული მოცულობა - წყლის რაოდენობა სეზონურად იცვლება. „სორგითი 2"-ის არეალში, სოფ. პიპილეთთან, შერჩეულია 6 ლოკაცია, სადაც განახლდება/მოეწყობა საბანაოები და საკემპინგე სივრცეები. მუშაობს ჯეჯორაზე დამონტაჟებული ავტომატური ჰიდროლოგიური საზომი სადგური, პერიოდული ADCP საკონტროლო გაზომვებით.

სკოპინგის და გზშ ანგარიშები, მათ შორის არატექნიკური (მოკლე) ვერსია, ხელმისაწვდომია გარემოს ეროვნული სააგენტოს საიტზე ei.gov.ge 2023 წლის 17 ნოემბრიდან. ჩატარდა საჯარო განხილვები: სკოპინგის ანგარიშის - 2023 წლის 13 დეკემბერს (სოფ. ირი და სოფ. პიპილეთი), გზშ ანგარიშის - 2024 წლის 2 აპრილს (იმავე სოფლებში). უახლოეს პერიოდში მომზადდება საინფორმაციო დაფა ადმინისტრაციულ ერთეულებში განსათავსებლად.

პირდაპირი მფლობელია „განახლებადი ენერგიის რეგიონალური კომპანია" - 90% ფლობს „რაჭა გრინ ენერჯი", 10% - მაკა საბანაძე. დირექტორი და დამფუძნებელია დავით უგრელიძე.

ფუჭი ქანების განთავსების დეტალები აღწერილია გზშ ანგარიშის ქვეთავში 2.3.2.3.2. მშენებლობის დასრულების შემდეგ სანაყაროებზე ჩატარდება სარეკულტივაციო სამუშაოები ადგილობრივი ჯიშის ხე-მცენარეების დარგვით, კომპანიის უშუალო შესრულებითა და სახელმწიფო ზედამხედველობით. ნარჩენების მართვის გეგმა იხილეთ გზშ ანგარიშის დანართების ქვეთავში 1.3.

კომპანია ყოველწლიურად გადაიხდის 1,600,000 ლარს ქონების გადასახადის სახით ადგილობრივ ბიუჯეტში. მშენებლობის პერიოდში დასაქმდება 100-150 ადგილობრივი, ექსპლუატაციის ეტაპზე - 40-50 მუდმივი თანამშრომელი. 5 სოფელზე გაიცემა 20,000 ლარიანი წლიური სოციალური დაფინანსება (ჯამში 100,000 ლარი/წელი). დამატებით: გზების რეაბილიტაცია, სასმელი წყლის და ელექტროგადამცემი ხაზების მოწესრიგება, ბოჭკოვანი ინტერნეტიზაცია, ხეობის კამერიზაცია, პროფესიული სასწავლებლის შექმნა (ენერგეტიკა და მესაქონლეობა), სკოლის მიკროავტობუსი, ტურისტული ინფრასტრუქტურა, სამების/ტაძრების რეაბილიტაცია და სხვა.